闽南语童谣100首

西北雨直直落
西北雨直直落，鯽仔魚卜娶某。
鮕鮐兄拍鑼鼓，媒人婆仔土虱嫂，
日暗揣無路，趕緊來火金姑，
做好心來照路，西北雨直直落。
西北雨直直落，白鷺鷥來趕路。
搬山嶺過溪河，無岫跋一倒，
日暗卜怎好，土地公土地婆，
做好心來帶路，西北雨直直落。

瘦丑仔
瘦丑仔猴，鼻那流，食芎焦，配土豆，
食西瓜，配菜头，毋是吐，著是漏。


乌头仔车
乌头仔车，车甘蔗，顶头坐一个阿舍。
流鼻蚵，挂目镜，腹肚枵，坐未正，跋落来，哀哀痛。

新年歌
初一早，初二巧，初三困到饱，初四顿顿饱，
初五隔开，初六挹肥，初七七元，初八原金，
初九天公生，初十有食食，十一请囝婿，
十二查某囝转来拜，十三食泔糜仔配芥菜，
十四结登棚，十五上元瞑，十六拆灯棚。

摇囝歌
摇啊摇，阿妈斗挽茄，挽偌济，挽一饭篱，
也欲食，也欲卖。
阿公仔讲欲滚，滚烂烂，一人分一半，
滇满满，一人食一碗。
天乌乌
天乌乌，欲落雨，鲫仔鱼，欲娶某，
鱼担灯，虾拍鼓，水鸡扛轿大腹肚，
田螺举旗叫艰苦。


十二生肖相歌
一鼠贼仔名，二牛驶犁兄。
三虎爬山坪，四兔游东京。
五龙皇帝命，六蛇予人惊。
七马走兵营，八羊食草岭。童谣被打
九猴爬树头，十鸡啼三声。
十一狗仔顾门埕，十二猪是菜刀命。


西北雨
西北雨，直直落。鲫仔鱼，欲娶某。
鮕代兄，拍锣鼓。媒人婆，土虱嫂。
日头暗，寻无路。赶紧来，火金姑。
做好心，来照路。西北雨，直直落。
西北雨，直直落。白鹭鸶，来赶路。
翻山岭，过溪河。寻无巢，跋一倒。
日头暗，欲怎好。土地公，土地婆。
做好心，来带路。西北雨，直直落。

坐牛车
坐飞机看天顶，坐大船看海涌，坐火车看风景。
坐汽车钱卡省，坐牛车顺续挽龙眼。

ABCD
ABCD狗咬猪，阿公仔坐飞机，
摔一下冷吱吱，叫医生来共伊医，
医一下脚骨大细枝，医一下脚骨大细枝 。

放鸡鸭
一放鸡，二放鸭，三分开，四相叠，五搭胸，
六拍手，七围墙，八摸鼻，九扭耳仔，十拾起，
来啊！来啊，放鸡鸭，鸡仔鸭仔，走相拍。

点仔点
点仔点水缸，啥物人仔放屁烂尻川，
点仔点茶瓯，啥物人仔下暗欲来阮兜，
点仔点茶鼓，啥物人仔下暗欲娶某，
点仔点茶叮当，啥物人仔下暗欲嫁翁，
点仔点铅笔，啥物人仔欲做白贼七，
点仔点滚水，啥物人仔就去做鬼。

月光光
月娘月光光，老公仔伫菜园，
菜园掘松松，老公仔欲种葱，
葱无芽，欲种茶，茶无花，欲种瓜，
瓜无子，老公仔气甲欲死。


十二生肖相歌
一鼠贼仔名，二牛驶犁兄。
三虎爬山坪，四兔游东京。
五龙皇帝命，六蛇予人惊。
七马走兵营，八羊食草岭。
九猴爬树头，十鸡啼三声。
十一狗仔顾门埕，十二猪是菜刀命。

一的抄米香(流传唸谣)
一的抄米香，二的抄韭菜，三的强强滚，四的抄米粉。
五的五将军，六的六子孙，七的蚵仔饲麵线，
八的讲伊卜分一半，九的九婶婆，十的撞大锣。
打你千打你万，打你一千零五万，羞羞羞袂见笑，
猜输唔甘愿，玩输起虾龟，唔甘愿起虾龟，
我卜来去投老师，投老师。

一年仔倥倥(传统唸谣)
一年仔倥倥，二年仔孙悟空，三年仔吐剑光，
四年仔爱膨风，五年仔上帝公，六年仔阎罗王，阎罗王。