童谣
1、“大头大头，下雨不愁；人家有伞，我有大头”。
 
2、笃笃笃，卖糖粥，三斤蒲桃四斤壳，切侬肉，还侬壳，张家老伯伯勒拉挖？勒拉嗨。问侬讨只小花狗。侬来拣一只。汪、汪、汪！

3、三、三、三，山上有只木头人，不许讲话不许动！（看啥人动，动了就要接下去讲）本来要打千千万万记，现在辰光来不及，马马虎虎打十记。一、二、三、四、五，六、七、八、九、十。打了十记还不够，还要打三记。一、二、三。

4、山上有只老虎，老虎要吃人，把伊关在笼子里。笼子坏忒，老虎逃脱，逃到南京。买包糖精，摆嘞水里浸一浸，密西密西拉胡琴。

5、啷啷啷，啷啷啷，骑马到松江，松叫，别转马头落北跑。一跑跑到卖花桥，桥上有只鸟，飞到佘山上，山上有只庙。庙里有个小和尚，“嗯啊嗯啊”要吃绿豆汤，拨伲打一记，
老老实实孵日旺。

6、一歇哭，一歇笑，两只眼睛开大炮。一开开到城隍庙，城隍老爷哈哈笑。

7、今朝礼拜三，上海来了个小瘪三。着末着件白衬衫，撑末撑顶黑阳伞。拖末拖双木拖板，跑末跑到凤凰山。凤凰山上跌下来，屁股跌得粉粉碎。打只电话三零三，三零三医生猪头三。

8、小三子，拉车子，一拉拉到陆家嘴。拾着一包香瓜子，炒炒一锅子，吃吃一肚子，拆拆一裤子，到黄浦江边汰裤子 ，拨拉红头阿三看见仔，拖到巡捕房里罚角子。

9、摇啊摇，摇啊摇，摇到外婆桥，外婆对我眯眯笑。买条鱼来烧烧伊，头勿熟，尾巴焦，盛勒碗里蹦蹦跳，猫吃仔，眯眯笑。狗吃仔，豁虎跳。摇啊摇，摇啊摇，一摇摇到外婆桥，阿婆叫我好宝宝，娘舅给我吃块糕。
·摇啊摇，摇啊摇，摇到外婆桥。外婆叫我好宝宝，一块馒头一块糕，吃仔就要跑。（版本
2)

10、冬瓜皮，西瓜皮，小姑娘赤膊老面皮。橡皮筋，牛皮筋，阿拉赤膊伐要紧。

11、山浪有只庙，庙里有只缸，缸里有个小和尚，嗯呀嗯呀要吃绿豆汤。
12、小弟弟小妹妹跑开点，敲碎么玻璃是老价钿，小弟弟，小妹妹，敲碎玻璃老价钿。

13、今朝礼拜三，我去买阳伞，落脱三角三，打只电话三零三，回去做瘪三。

14、 赖学精，白虱精。书包掼勒屋头顶，看见先生难为情。三十二只钉鞋钉，钉死钉杀钉勿进。

15、从前有个老伯伯，年纪八十八。早浪头八点钟起来，乘八路电车，跑到八仙桥。买勒八碗八宝饭，一共享脱八十八块八角八。
·
从前有呃老伯伯~
年纪活到8拾8~
跑到八仙桥~
切子碗八宝饭~
铜钿用特8万~8千~8百~8童谣被打拾8块~8角~8分~8厘~8毫~


16、我来讲只故事，故事里向有只兔子。兔子跑了，故事完勒。

17、长脚鹭鸶敲洋钉，敲来敲去敲勿进，原来是只螺丝钉。

18、落雨喽，打烊喽，小八腊子开会喽。

19、庙里一只猫，庙外一只猫。庙里猫咬庙外猫，庙外猫咬庙里猫。勿晓得到底是庙里猫咬庙外猫，还是庙外猫咬庙里猫。


20、鸡鸡斗，蓬蓬飞，飞到娘舅背后底。娘舅话啦杀脱伊，舅妈话啦留啦些。留到开年孵小鸡，小鸡蹲在青草里。割脱青草种米苋，吃仔米苋上西天。

21、小星星，亮晶晶，青石板上钉铜钉。小星星，亮晶晶，伊拉对侬眨眼睛。

22、金锁银锁，呱啦啦啦一锁，乏到三锁，就是侬遮。

23、侬姓啥？我姓黄。啥额黄？草头黄。啥额草？青草。啥额青？笔绿青。啥额笔？毛笔。啥额毛？三毛。啥额三？高山。啥额高？年糕。啥额年？xxxx年，妈妈养出来弄只小xx。
24、打到安徽 安徽买布 买这个夫 夫关门 关着个苍蝇 苍蝇擦屁 擦到庙里 庙里扫地扫着两只蚂蚁 蚂蚁爬浜 爬着两根长 打死东洋鬼子大炮 哄哄哄！！

25、侬姓啥？我姓蔡
蔡啥？蔡家浜
浜啥？浜子桥
桥啥？桥蜡烛
烛啥？竹子签
签啥？签字金
金啥？津萝卜
卜啥？缚铜钿
钿啥？甜酱瓜
瓜啥？果子肉
肉啥？肉肠甘
杆啥？杆子糖
糖么甜，买包盐
盐么咸，买着篮
篮么漏，买包豆
豆么香，买只姜
姜么辣，买只鸭
鸭么叫，买只鸟
鸟么飞，买只鸡
鸡么啼，买只梨
希特三母到八地

26、小三资， 拉车子， 一拉拉到陆家嘴。 拾着一包香瓜子， 炒炒一锅子， 吃吃一肚子， 拆拆一裤子， 到黄浦江边解裤子， 拨拉红头阿三看见仔， 拖到巡捕行里罚角子。 

27、从前有座山，叫黄昆山； 山浪有条路，叫叽哩咕噜； 路边有只庙，叫莫名其妙； 庙里有只缸，叫四大金刚； 身浪有把剑，叫看勿见； 来了两个官，一个叫笔套管，一个叫痰盂罐；……
28、蜜蜂叮癞痢，
癞痢背洋。
洋打老虎，
老虎吃小宁。
小宁捉公鸡，
公鸡吃蜜蜂。