中国月饼十大名牌
夜归，忙得来是头头转，连搭上厕所格辰光也呒没。居民区里格黄牛还适意点，搬只板凳旁边
立一块收购目录纸板，总归还有坐，也勿要担心有人来赶。市中心格模子就勿一样了，伊拉从
早立到夜，嘴巴里翻来复去念念叨叨几句闲话，馋唾水也要讲干脱了，眼睛还要四面扫描，一
看苗头不对马上要滑脚咯。
迭能看看伊拉好象蛮作孽格？实际浪伊拉是开心得勿得了喽。每天夜里回到屋里厢，几只
袋袋里格钞票一把一把拿出来摆勒台子浪，莫老老一大堆，数也懒得数，只管拿起冷饭开水一泡，几样小菜一吃，再汏把浴，倒头就睏。忒吃力了嘛，睏觉要紧，明朝还要去买进卖出咯。
迭个生意一塌刮仔只有两三格礼拜好做，只有拼一记，运道好了，进账几万块是不成问题咯。
“上海人精明”，人家是迭能介讲咯，阿拉自己也承认咯，只要现在辰光去几家名牌月饼店
门口看一看，就晓得了，侬就勿得勿承认了。虽然讲月饼票勿是只有上海才有，但是上海格月
饼票肯定是品种最多销量最高咯，黄牛勒拉月饼票高头格赚头也肯定是最好咯。一句闲话，上
海格月饼票生意肯定是全国最闹猛、最疯狂咯，因为上海格黄牛也是全国最出名格嘛。
迭个，就是上海人做格事体，大聪明勒拉里厢了，小算盘也勒拉里厢了，好事体做成了，
坏事体也煞勿牢了。想想老早辰光，一幢大楼里住七十二家房客，螺蛳壳里也能够做出道场来，只要有一点点空子可以钻，啥格事体难得倒上海人？赚钞票格本事忒多来，月饼票生意做好，
接下来马上就是大闸蟹生意，现在勿是蟹票也时髦起来了吗？一年四季根本勿要担心咯，只要
有公款消费，只要有员工福利，只要还有上勿了台面格送礼行贿，格么，黄牛就笃定泰山勿愁
吃勿愁用，伊拉比起坐办公室格小白领来，每月格摇账多得多了。有啥办法，讲伊拉是寄生虫？讲伊拉是投机倒把？讲伊拉扰乱市场？讲伊拉好吃懒做？迭种闲话多讲有啥讲头。拿出法律条
文来呀，派执法人员去管伊拉呀！或者索性就来个正本清源，禁止发月饼票，侬敢下迭个条头伐？唉，法呒没法，有了法又呒没人严格执法，又勿肯触动自家格利益，格么讲啥么事啦。
一张月饼票，假使讲票面价值238元，厂家以打八折出厂价卖拨单位，发票写九折价钿，
采购格朋友回去好讲点，还有一折么伊就自家捞进袋袋里了。单位里拿迭个实际已打了八折格
月饼票发拨勒小白领一人两张，小白领当然开心，自家留一张卖脱一张，黄牛以120元打对折价钿收进。一帮呒没月饼票格朋友想走亲访友，手高头勿拎盒月饼总归勿像样，伊拉就从黄牛
手里以七折八折价钿买进月饼票，也就是讲，伊拉出170元就买到了一盒238元格精装月饼。
一张月饼票迭能介一圈兜下来，单位少支出23.8元，当然合算了，采购员勿动声就捞进23.8元，伊是夜里厢睏勒床高头做梦也勒拉笑。小白领是又吃了月饼又白拿120元，开心啊，黄牛只是倒一倒手，一根香烟格辰光，50元就到手了。月饼厂家是更加笑勿动了，老里八早
已拿月饼票卖脱，钞票老早就收进了，再讲月饼格价钿是别格同类糕饼格几倍，钞票老早赚足了，一眼也呒啥好担心格了。迭能一看，围绕一张月饼票好象大家统统是赢家，格么，啥人是
输家呢？
迭个还只是一张月饼票格赚头，上海滩浪每天有多少月饼票勒拉流通？每天有多少月饼票
从黄牛格左手进、右手出？介大桩事体就是呒没人管，就是管勿好，已经多少年了啊！
哦，顺带便祝大家中秋节快乐！一边吃月饼一边欣赏花好月圆！（2021.9.10.）
发布评论