苏州话谚语大全吴文化系列
朱宇照
嘲讽语气
新学期教师寄语1. 矮子肚里疙瘩多
3. 抱勿上树刘阿斗。——嘲讽呒不能力，呒不出息格人。
4. 孛篮大葛水花，扫帚大葛尾巴，捞起来一只糠虾。——（嘲讽世事格顺口溜）讽刺做起事体来只讲究排场，勿讲求实效格人。
5. 鼻涕说鼻涕，自家搭搭滴
6. 趁势踏沉船——落井下石
7. 吃弗落，吃仔三碗一沰沰——讽刺人在别人家裏吃饭，假装客气，口说吃不下，实际吃了三碗还多。
8. 吃么天神天将，做么道士行香
9. 吃食瞒食，狗也弗及
10. 吃死人弗吐骨头——黑良心
11. 吃素碰着月大。——（嘲讽世事格顺口溜）还有意思相近格顺口溜，叫做“屋漏偏遭连夜雨；趁船总遇顶头风”。意为凡事侪勿顺利。
12. 吃仔灯草灰，放个清巧屁。——（嘲讽世事格顺口溜）嘲讽说闲话勿加思考，勿负责任格人”。
13. 吃仔生人脑子，弗怕血腥气
14. 吃仔碗里，望仔镬里
15. 出仔油火钿，坐在暗头里
16. 吹牛三不看天时
17. 聪明面孔笨肚肠
18. 答应得噢噢应应，忘记得干干净净
19. 鹅食盆里鸭插嘴——鸭子把嘴伸到鹅吃食的盆里，比喻手伸得太长，侵犯了别人利益
20. 儿子勿养，担搁老娘
21. 朆进山门，就想做当家和尚。——（嘲讽世事格顺口溜）隐喻：“勿切实际”，“异想天开”。
22. 富商嫁独养女儿，侪畀了人家
23. 该（赅）仔和尚骂贼秃。——意为“指桑骂槐”。
24. 隑米囤饿煞
25. 搁落取，一淘死
26. 狗嘴里夺（吐）勿出象牙来。——隐喻一个人说话勿中听。
27. 关老爷面前使大刀。——（歇后语）意为“自不量力”。
28. 鬼火道士夜来忙
29. 鬼迷张天师，有法呒处施
30. 猢狲勿该宝
31. 火着好看，难为人家
32. 假客气碰着真老实。——（嘲讽世事格顺口溜）隐喻“事与愿违”。
33. 看人挑担勿吃力，自家挑担步步歇。——（嘲讽世事格顺口溜）告诉大家万事侪要经过自家格亲身实践搭仔深入调查，方始有发言格权利。
34. 孔夫子面前读孝（书）经。——（歇后语）意为“自不量力”。
35. 瘌痢头儿子自家个好。——（歇后语）讽刺喜欢护短格人。
36. 老虎吃独食
适合情侣玩的双人游戏37. 老虎头浪拍苍蝇。——（歇后语）意为“做危险格事体”；“勒浪寻死”。
38. 冷镬子里爆出个热栗子。——（歇后语）意为“出仔奇迹哉”。
39. 良心拨嘞狗吃脱哉
丁凯乐拍婚纱照40. 螺蛳壳里做道场。——（歇后语），意为“轧闹猛”。
41. 买块豆腐撞撞煞——讽刺人无地自容之至，还有什么脸面活在世上，不如。但连死的勇气都没有，只能拿豆腐撞自己。
42. 猫哭老鼠假慈悲。——（歇后语），意为“装腔作势”。
43. 描金箱子白铜锁，外头好看里向空。——（嘲讽世事格顺口溜）搭前头箇句“绣花枕头一包草”一样格意思。比喻只会摆虚头，呒不一点实效。
44. 派头一落，转去吃粥——外表穿着非常有气派，家里却连干饭也吃不起，讽刺只图外表风光的穷人。
45. 七石缸，门里大。——（嘲讽世事格顺口溜）嘲讽箇种只会对内施展威风，勒外头连气也不敢出格人。
46. 强盗囡儿贼外孙——有其父必有其子
47. 俏媚眼做拨瞎子看。——（歇后语）意为“自以为是格无效之举”。
48. 日勿作，夜摸索
49. 若要黑心人，吃素淘里寻。——（嘲讽世事格顺口溜）该句闲话格意思搭“亦想做，还想立牌坊”格意思相同，只是说话个角度勿同而已。
50. 若要盘驳，性命交托——如果再要问我，只能把命交出来了，这是讽刺老师太没有水平，被学生问得求饶。
51. 身浪软披披，屋里呒不夜饭米。——（嘲讽世事格顺口溜）
52. 虱多勿痒，债多勿愁。——（嘲讽世事格顺口溜）对靠借债过日脚格人格嘲讽。
53. 拾着仔象牙筷配穷人家。——与之意思相近格一句说话，叫做“好花插勒牛粪浪”。比喻“勿相配”。
54. 香伙赶出和尚，长洲勿让吴县。——隐喻“喧宾夺主”。
55. 绣花枕头一包草。——（歇后语）隐喻表面上好看，呒不实质内容。
56. 眼睛像霍显，筷儿像雨点——形容贪吃
57. 摇仔三日三夜橹，还朆解缆绳。（歇后语）意为“白忙一气”。
58. 要和尚，求和尚，覅和尚，杀和尚。——（嘲讽世事格顺口溜）嘲讽箇些勿晓得用人之道的所作
所为。
59. 一笔头生意
60. 一口无酿，两口过酿——这是形容包子或糰子的馅儿太少，咬第一口还没咬到馅儿，咬第二口时，馅儿已过了，形容商家黑心。
61. 三骨钿白糖，一蘸（赞）就光——意为称赞不得，一称赞就翘尾巴，优点就没有了，多用来批评孩子
62. 有嘴说别人，呒嘴说自身kris吴亦凡女友
气象农业
1. 八月十五云遮月，来岁元宵雨打灯。——八月十五，是指农历八月半，也就是传统格“中秋节”。“元宵”是农历正月十五，全国各地侪会举办灯会嘅。该句谚语是说，假使中秋节箇日，夜头云彩拿月亮遮没脱，箇末，第二年格正月十五，元宵节就可能是个落雨
天。也就会出现“雨打灯”格情形哉。旧年中秋节，因为“云遮月”，所以南京人朆有赏月格机会，勿晓得今年格“元宵”会勿会“雨打灯”。让伲大家一淘来验证验证该条预测气象格谚语啊灵勿灵。
2. 处暑十八盆；白露身不露。——处暑、白露，侪是二十四个农事节气当中格重要节气。这是说，处暑一到表示像夏天箇种暑热即将结束，此后天气渐凉，不需要日日淴浴哉；过仔白露，早晚天气较凉，不能穿短袖子格衣服哉，更加不可以赤膊露身。
3. 春打六九头，种田勿用愁；春打五九脚，种田吃一吓。——该句闲话里向格“春”，是指“立春”箇个节气；九，中国古代民间传统拿从“冬至”节箇日起开始计算，此后（包括“冬至”）的八十一日，认为是一年当中最最寒冷的时期，分成功九段，每一段是九日天，称为一个“九”，一共是九个“九”。假使“立春”箇天恰好搭第六个“九”格第一日天碰头。箇末，箇个一年对靠种田为生格农民来说，会是一个风调雨顺，田里向农事轻松，庄稼格收成也好格好年成。所以农民种田就用勿着“发愁”哉。假使“立春”箇日搭第五个“九”格押末一日相逢，箇末，箇个一年对农民来说可能就会是多灾多难格一年。所以要“吃一吓”哉。
四级考多久4. 春寒冻煞（杀）老黄牛。——一般侪认为，春天来临，气温回升，人身上格汗毛孔侪张开哉，一旦有冷空气袭来，感觉会比冬天还要冷。特别是身体虚弱格老年人更加容易感受风寒而生病。该搭格“老黄牛”并不是指真正意义上牛，而是指“身体虚弱”格老年人。
5. 东鲎日头西鲎雨。——鲎（读音近似“吼”），就是雨后天晴而勒天空上出现格彩虹。彩虹勒天上向格位置，正好搭太阳遥遥相对。东鲎，就是说天上格彩虹勒东面个天空上，箇就说明已经到仔太阳落
山格辰光。因为雨已经落过，空气中湿度降低，第二日会是晴或少云格天气。西鲎，是说彩虹挂勒西面格天空上，箇末辰光还是一大清早。彩虹格形成搭空气当中个水分密切相关。天上有鲎，就说明空气中湿度还是交关大，箇个一日天里向还是会落雨嘅。
6. 东霍霍，西霍霍，早晨起来干涸涸（读[ho ho]）。——“闪电”，苏州闲话叫“霍显”。霍霍，是说箇种几乎听勿见雷响声音格霍显（闪电），而且霍显格亮度也勿亮。往往只看见“东霍霍，西霍霍”箇种云层里向格放电现象，空气当中呒不潮湿格感觉，呒不雨落下来，所以第二日天早上起来看见地下仍旧是干格。
7. 东南风，暖烘烘；东北风，雨淞淞；西南风，阴洞洞；西北风，落雪像牵砻。——冬天，如果吹东南风，一定是个暖融融格晴天；如果吹东北风，就会是个绵绵阴雨格天气；如果吹起西南风来，天气就会显得干燥而阴冷；如果是西北风阵阵，就会带来满天纷纷扬扬格雪花哉。
8. 二十分龙廿一雨，石头缝里侪是米。——二十是指农历五月二十，被称之为“分龙日”。这是说一过分龙之日，天就降雨，是风调雨顺、五谷丰登格好兆头。
9. 朆吃端午粽，棉衣勿入笼；吃仔端午粽，还要冻三冻。——虽然端午时节从农事节气来看已经到了夏初，天气也让人感觉到了箇种暖意，但是从气象角度来讲，还属于季节交替时段，冷暖交替，气候多变，尚不稳定。即使是过仔端午节，还会有寒流南下侵袭。该条谚语就是要告诉伲大家不要急着拿
御寒格棉衣收入箱笼之中，应该先等一段时间，待天气稳定之后再放起来。
10. 干净冬至邋遢年，邋遢冬至干净年。——干净，是指天气好；邋遢，则是说天气不好，阴雨绵绵；冬至，是二十四节气中格一个重要节气；年，是指农历新年，即春节。假使冬至箇日落雨，春节就可能是好天；反过来，假使冬至箇日是好天，箇末，过年格辰光就呒不好天哉。
11. 谷雨西风没小桥。——谷雨，是指“谷雨节气”格当日。谷雨当日假使吹格是西风，预示以后格日脚里向会是多洪涝灾害格农情，洪水会拿乡下头箇种低矮格小桥、便桥淹没。预示百姓要加强抗洪排涝格工作。
12. 谷雨西南多浸种，立夏西南少下秧。（西南，指刮西南风格天气，主干旱。浸种，则有催芽格作用。）
13. 九月南风当日雨，十月南风干到底。——九月、十月，都是指农历的月份。箇句谚语是说，农历九月份格天气，只要一吹南风，当日就会有雨落下来；而农历十月份格天气，只要南风一起，就是长时间干旱格信号。从此就会持续干旱少雨，而且箇种干旱少雨现象会一直持续到农历格年底。
14. 九月十三落，皮匠家婆要吃肉；九月十三晴，皮匠家婆要嫁人。——农历九月十三这天落雨，往后就会使多雨的天气，妇女不要下田干活，唯一可做格事体就是做鞋子，皮匠鞝鞋子格生意不断，日脚就会过得富裕些。反之，皮匠格生意不好，日脚就难过。
15. 腊雪勿烊，种田人饭粮；春雪勿烊（炀），饿断肚肠。——腊雪不化，说明冬天特别寒冷，开春后就勿会担心田里农作物格虫害，夏天格收成会增加；立春后的雪称为“春雪”。春雪不化，春天气温过低，农作物会受冻害，以致于夏收作物减产歉收，农民就要饿肚皮哉。
16. 两春夹一冬，呒被暖烘烘。——“春”是指“春季”。“立春”通常在每年格二月四日前后。如果“立春”出现在传统格中国新年，即“春节”来临之前，箇末，箇个一年就是“两春夹一冬”。箇个一个现象就可以预测箇个一年格冬天就可能勿会忒冷。甚至呒不被头，也勿会觉得夜里向冷。也就是现在所说格“暖冬”。
17. 六月初三打个阵，上昼耘稻下昼睏。——也有说“一日一个阵，上昼耘稻下昼睏”。如果农历六月个天气如果经常出现阵雨，田里格农事就比较轻松。赞多个人资料
18. 六月勿热，五谷勿结。——秋粮作物往往都是在最炎热格时候抽穗灌浆，天气越热稻谷格浆水越足，籽粒越饱满。反之，则多瘪籽。
19. 廿七、廿八（大风）吹得庙门开，螺蛳蚌蚬（苦）哀哀。——“廿七、廿八”，即指农历二月廿七、廿八箇两日。如果出现刮南风格天气，预兆箇个一年是雨水偏少格干旱年份。因为一般寺庙格大门侪是朝南开嘅，而且寺院格大门侪比较沉重，只有从南面吹得来格风力强劲格南风方始能拿庙门吹开，所以说“庙门开”就是指吹“南风”格意思。
20. 清明晒得沟底白，青草会变麦。——“清明”是指“清明节”。“沟底白”，是说因为太阳暴晒，水分加速蒸发，以至于麦田垄沟底上格烂泥畁太阳晒得泛出仔白来。“青草”是指麦田里向格“野（杂）草”。清明时节太阳过分强烈，说明当时气温高，水分蒸发快，长勒田垄上格麦苗因水分缺乏而生长受到抑制。相反，生长勒垄沟里格杂野草因为能够吸收到泥土深层格水分，生长旺盛，胜过田垄上的麦苗。这就是告诫农民这时应当加强除草、灌溉等田间管理，来帮助田里格麦苗生长。
21. 三朝迷露发（起）西风。——深秋时节开始，只要出现连日大雾弥漫格天气，箇就是要吹起西风，气温要下降格预兆。
22. 三春靠一冬，三早抵一工。——隐喻勤劳才有成效。
23. 四月十四雨点响，蓑衣箬帽一抢光。——“四月十四”指农历格日脚。“蓑衣箬帽”，是农民雨天常常穿戴格雨具。假使勒箇日天落雨，箇末就预示箇年可能会提前进入黄梅天，而且入梅后雨水会偏多。所以农民就要早一点拿要用格蓑衣箬帽买转来，做好落雨天里做田里生活格防备。顺便提一提：据说箇日还是八仙当中格吕洞宾格生日，称为“神仙生日”。勒苏州老阊门城里泰伯庙桥北有一只神仙庙，苏州人有（农历）四月十四轧神仙格习俗。我勒苏州桃花坞市四中读书格辰光，每逢箇个一日，也会勒中上向搭仔同学一淘到神仙庙里去轧神仙嘅。
发布评论